Жүсіпбек Елебеков атындағы эстрада және цирк колледжі – қазіргі заманға сай кәсіптік білім беруді қамтамасыз ететін кең бейінді шығармашылық мамандарды даярлайтын бәсекеге қабілетті оқу орны ретінде қалыптастыру. Біздің мақсатымыз – студенттерге мәдениет пен өнер саласында жоғары сапалы білім беріп, олардың шығармашылық әлеуетін барынша ашуға мүмкіндік беру. Сонымен қатар, әлемдік деңгейдегі мамандарды дайындап, ұлттық өнерді халықаралық аренада танытуға үлес қосу.

Пайымы:
Біз мәдениет пен өнер саласында білім беру процесінің тиімділігі мен сапасын үздіксіз арттыруға бағытталған заманауи оқу-шығармашылық орталығын кеңейтуді мақсат етеміз. Бұл үрдіс республикалық және халықаралық деңгейдегі ынтымақтастықты нығайтып, интеграциялық байланысты дамытумен қатар, елдегі мәдени құрылымдарды қажетті кадрлармен қамтамасыз етуге ықпал етеді. Сонымен қатар, білім беру саласындағы инновациялар мен үздік тәжірибелерді енгізу арқылы студенттеріміздің жаһандық бәсекеге қабілетті мамандар болып шығуына жағдай жасаймыз.

Стратегиялық мақсаты:
Жүсіпбек Елебеков атындағы РЭЦК-нің тұрақты дамуы оқу-шығармашылық кластері ретінде қалыптасуын қамтамасыз ету. Бұл мақсатқа қол жеткізу үшін оқу үдерісін ұйымдастырудың жоғары деңгейіне жету, адами ресурстарды тиімді пайдалану, ғылыми, әдістемелік және материалдық-техникалық базаны нығайту, сондай-ақ басқару формалары мен әдістерін жетілдіру шаралары жүзеге асырылады. Осы арқылы колледж еліміздің мәдениет және өнер саласындағы жетекші оқу орны ретінде тұрақты дамып, студенттердің кәсіби және шығармашылық мүмкіндіктерін барынша дамытуға үлес қосады.